Rizootawrites

baarish ki boondein cham se jo padhi zameen par, jeevan naya mil gaya ho jaise kisiko.. tapti zameen ek tak aakhein beechaye baithi , aasma ki ore dekhne lagi thi, chah rahi thi kuch boonde gire uspar, ho jaaye phir se meharbaan koi uss par... Thandi hawa ka jhonka le hi aaya paigam baarish ka, aur kuch hi palon may boondon ne bana diya sama khushi ka, aahista-2 padthi huyi baarish ki yeh boondein, kuch kehna toh chahtin hongi, par kya kabhi inki aawaz kisi ne sunni bhi hogi??? khidkiyon ka woh baar baar khulna, baar baar bandh hona..chidhiyon ka woh chechana, bheeg kar thodha sa seham jana.. miti ki khusbhoo se poora mausam badal jana, mann chahey thodhi si chai aur kuch garma garam pakodo ka kitchen se aana.. par haay yeh baarish.... mauka toh de bahar jaane ka , kuch saaman laane ka, tabhi toh maja aayega khidki ke paas baith, inn baarish ki boondon, hawa ke jhokon aur pakodon ka maja uthana..

Peechey se aawaz jo aayi,mudhkar dekha, dikhayi di parchayi, Socha thodhi dur chaltey-2, kya humse alag hai humari parchayi??, agar dono nahi hain alag, toh yeh aawaz kisne hai lagai?, garr hoti humse alag toh zindagi ke safar may har din rooti parchahyi, hastein huye saare ghum, pareshaniyan jaane detey uske saath, befikar hotey hum aur marti har din parchayi

har baat se ek baat banegi, har bat se ek baat chalegi, baaton baton may zindagi ke raftar banegi kuch masley suljheinge,kuch masley banengey, baaton baaton may mohabat ghategi, chalo inn baaton ko yahin khatam karen, milkar inn baaton ki uljhan ko dur karein, muskura do tum thodha, musukar dein hum thoda, issi muskurahat se zindagi ki har raat kategi...

Shaam ka Suraj Dhal jaayega, KAl ek naya savera laayega, Aasha ki kiran se chamkega aasma, hogi apni thodi si zami thoda sa aasma Kuch nayi khushiyan hongi, kuch naye waade honge, Kuch naye hoslein honge, kuch nayeirade honge, har ek lamhe may hoga ek naya savera, jo phir hoga kal humara jab, Shaam ka suraj dhal jayega Kal ek naya savera layega

aankhein dhoondh rahi thi jinko woh aksar humare aas paas hi raha kartey thee... pata na chala kabhi bhi unka yeh asar, samajh aaya jab jikra huya unka humare saamne..

zindagi ka har pehloo rangeen hone laga hai, har lamha ab khushgawar lagne laga hai, lagta hai khushiyon ne daman humara thaam liya hai, ab jaane na dengein issey , isliye issey chahton ke rishton may baandh liya hai.

Khwahishon ke dayre badhne lage hain, Kuch chahne se pehle sochne lage hain, lagta hai yeh dayre simat na jaaye, isliye umeedon ke aasman se darne lage hain.